તમે જ્યારે કોઈ નવા સંબંધમાં બંધાવ છો ત્યારે જીવનમાં ઘણા બધા ફેરફાર થતા હોય છે.
મે જ્યારે કોઈ નવા સંબંધમાં બંધાવ છો ત્યારે જીવનમાં ઘણા બધા ફેરફાર થતા હોય છે. કોઈ પણ સંબંધની શરૂઆત થાય ત્યારે ઘણી વખત એવું લાગે છે કે આપણો સ્વયંની સાથે સંબંધ ટૂટી રહ્યો છે, પરંતુ એવું નથી હોતું. કોઈની સાથે સંબંધમાં બંધાવાથી તમારું અસ્તિત્વ ક્યાંય ખોવાઈ નથી જતું. આ માત્ર એક વિચાર છે જેને તમે જાતે જ નકારી શકો છો જો અમુક વાતોનું ધ્યાન રાખવામાં આવે...
પોતાના માટે સમય કાઢો
કાયમ ઘરના કામકાજને લઈને દિમાગમાં એ જ વાત પહેલાં આવતી હોય છે કે પતિની સાથે જઈ ઘરની નાની-મોટી વસ્તુઓ ખરીદી લેશો. જરૂરી નથી કે ઘરનાં બધાં કામ માટે તમારે તમારા પતિની રાહ જોવી પડે. તમે એકલા પણ જઈ શકો છો. ક્યારેક ક્યારેક એકલા શોપિંગ કરવાથી તમે તમારી માટે પણ ટાઇમ કાઢી શકો છો, જે સ્વતંત્ર હોવાનો અહેસાસ કરાવે છે.
નવા મિત્રો રાખવામાં શું વાંધો?
ઘણી વખત એવું બનતું હોય છે કે નવા સંબંધોમાં બંધાતાં જ જૂના સંબંધોમાંથી આપમેળે જ જુદા થવું પડે છે, પરંતુ એ સારી વાત નથી. તમારા અને તમારા પતિના કોમન ફ્રેન્ડ્સ છે તો તે બહુ સારી વાત છે અને જો ન હોય તો તમે તમારા મિત્રો સાથે સંપર્ક જાળવી શકો છો. લગ્ન બાદ નવા મિત્રો પણ બનાવો.
જાતે જ નિર્ણય લેતા શીખો
નવા સંબંધોમાં જોડાતાં જ એવું લાગે છે કે દરેક નિર્ણય બંનેએ સાથે મળીને લેવા જરૂરી છે. આ વાત અમુક અંશે સાચી પણ છે, પરંતુ ઘણી વખત સમય એવો આવે છે કે તમારે જાતે જ નિર્ણયો લેવા પડી શકે. પાર્ટનર્સ એકબીજાનો સાથ કેટલાય અગત્યના નિર્ણય લેવામાં આપી શકે છે, પરંતુ એ વાતનું ધ્યાન રાખો કે તમે એકબીજા ઉપર નિર્ભર ન હોવ. ઓફિસ, કરિયર અને સગાં-સંબંધીઓ સાથે જોડાયેલા કેટલાય એવા નિર્ણયો છે જે તમે જાતે લઈ શકો છો.
સ્વતંત્ર હોવાનો અર્થ જિદ્દી નથી
નવા સંબંધ શરૂ કરવાનો અર્થ એેવો નથી કે તમે તમારી આઝાદી ગુમાવી રહ્યા છો. ઘણી વખત મહિલાઓને એવો અહેસાસ થાય છે કે હવે તેમની આઝાદી તેમના પાર્ટનરના હાથમાં છે. તેમને કંઈ પણ કરવું હશે તો પાર્ટનરને પૂછીને કરવાનું રહેશે, પરંતુ એવું નથી હોતું. ઘણી વખત આવા જ વિચાર તમને જિદ્દી બનાવી દે છે. જેમ કે, લગ્ન પહેલાં તો હું મિત્રો સાથે ફિલ્મ જોવા જતી હતી તો આજે પણ જઈશ. અહીં સ્વતંત્રતા નહીં તમારી જિદ્દ દેખાય છે. જિદ્દ અને સ્વતંત્રતા વચ્ચેનો તફાવત જાણી લો અને પછી રિએક્ટ કરો.
Post A Comment:
0 comments:
Note: only a member of this blog may post a comment.