બપોરે 3 વાગ્યાનો સમય સેક્સ કરવા માટે છે બેસ્ટ

સેક્સને મજેદાર બનાવવા આ ઉપાયો ટ્રાય કર્યા જ હશે

તમે સેક્સને વધુ મજેદાર બનાવવાના ઘણા ઉપાયો વિશે જાણ્યું-સાંભળ્યું હશે. જેમકે આકર્ષક આંતરવસ્ત્રો પહેરવા, ડિનર માટે જવું, નવી-નવી પોઝિશન્સ ટ્રાય કરવી, રોલપ્લેમાં નવા એક્સપ્રિમેન્ટ કરવા, વગેરે. આ બધા સારા ઉપાયો છે, પણ એ બધા સમય માગી લે તેવા ઉપાયો છે અને સાથે જ ખર્યાળ પણ છે.

બધી ઝંઝટ છોડો, આ રીતે સેક્સને યાદગાર બનાવો

હોર્મોન એક્સપર્ટ આલિસા વિટ્ટીના કહેવા મુજબ, તમે તમારી સેક્સ લાઈફને આ બધી ઝંઝટમાં પડવા કરતા ખૂબ જ સરળ રીતે વધુ મજેદાર બનાવી શકો છો. તેમના કહેવા મુજબ બપોરે 3 કલાકે સેક્સ કરવાથી તે વધુ યાદગાર બની રહેશે.

કેમ બપોરે કરવું જોઈએ સેક્સ?

આલિસાનું માનવું છે કે, સેક્સના એન્જોયમેન્ટમાં હોર્મોન્સ મહત્વનો ભાગ ભજવે છે. વુમન કોડ નામની તેમની બુકમાં તેમણે વર્ણવ્યું છે કે, બપોરે 3 કલાકે પુરુષના શરીરમાં એસ્ટ્રોજનનું લેવલ વધારે હોય છે, જે તેને સેક્સ દરમિયાન માનસિક રીતે વધારે પ્રસ્તુત રાખે છે.

સવારનો સમય પણ છે બેસ્ટ

આપણામાંથી ઘણા માને છે કે, સેક્સ માટે સવારનો સમય વધુ સારો છે કેમકે એ દરમિયાન પુરુષ વધારે ઈરેક્શન અનુભવે છે અને તે સાચું પણ છે. જ્યારે પુરુષ ઊંઘી જાય છે, ત્યારે તે ટેસ્ટોસ્ટેરોન પ્રોડ્યુસ કરે છે કે જે સેક્સુઅલ ઉત્તેજના અને પરર્ફોમન્સ માટે મહત્વનું હોર્મોન છે.

બંને જોબ કરતા હોવ તો?

આલિસા કહે છે કે, બપોરે 3 વાગ્યાનો સમય પણ પુરુષ માટે સેક્સ કરવાનો એક સારો સમય છે, કેમકે જ્યારે તેનું ટેસ્ટોસ્ટેરોન લેવલ ડાઉન થાય છે, તેનું એસ્ટ્રોજન લેવલ વધે છે. હા તમે બંને જોબ કરતા હોવ તો આ સમયે સેક્સ કરવું શક્ય નથી, પણ વીકેન્ડમાં તો તમે ટ્રાય ચોક્કસ કરી જ શકો.

મહિનામાં ક્યારે સેક્સ કરો છો તે પણ છે મહત્વનું

આલિસા ઉમેરે છે કે, મહિનામાં તમે ક્યારે સેક્સ કરો છો તે પણ તમારા એન્જોયમેન્ટ પર ઘણી અસર કરે છે. તેમના કહેવા મુજબ ઑવ્યુલેશનના 10 દિવસ પછી સેક્સ માણવામાં આવે તો વધુ મજા આવે છે. એ સમય દરમિયાન મહિલાઓમાં ઓસ્ટ્રેજન અને ટેસ્ટોસ્ટેરોન લેવલ ઊંચું હોય છે અને જેના કારણે તેમની કામેચ્છા વધુ તીવ્ર હોય છે.